Úndistan jemqor sheneýnikterin jaýapkershilikke tartpasa Olımpıadaǵa qatystyrylmaıdy - HOK
ASTANA. 8 jeltoqsan. QazAqparat - Halyqaralyq Olımpıada komıtetiniń (HOK) perzıdenti Tomas Bahtyń málimdeýinshe, Úndistan sport salasynda jemqorlyqqa belshesinen batqan sheneýnikterin jaýapkershilikke tartpasa, onda bul memleket Oıyndarǵa qatysýdan shettetiledi.
Talaptardy oryndaýǵa HOK Úndistanǵan úsh kún berdi, ıaǵnı 10 jeltoqsanǵa deıin barlyq kemshilikter joıylýy tıis.
Olaı bolmaǵan jaǵdaıda, Úndistannyń Ulttyq olımpıadalyq komıteti HOK bastamasymen ótetin sharalardan shettetiledi, al úndistandyq sportshylar eliniń týynyń astynda jarystarǵa qatysa almaıtyn bolady.
Bir jyl buryn úkimettiń atalǵan komıtet isine aralasýy saldarynan Úndistannyń Ulttyq olımpıadalyq komıtetin olımpıadalyq sporttyq sharalardan ýaqytsha bosatqan edi.
Sarapshylardyń paıymynsha, aıtýly Dostastyq Oıyndarynyń Nıý-Delıde sátsiz ótkizilýinen keıin 2010 jyly olımpıadalyq sheneýnikter arasynda jemqorlyq týraly aıyptaýlar paıda boldy.
2011 jyldyń sáýirinde Dostastyq Oıyndaryn ótkizýge jaýapty úndistandyq olımpıadalyq komıtettiń atqarýshy komıtetiniń múshesi Sýresh Kalmadı para alý kúdigimen tutqyndalǵan bolatyn.
