Úndistan zaýytynan shyqqan ýly gazdan 8 adam kóz jumdy
NЬıÝ-DELI. QazAqparat – Úndistannyń ońtústik-shyǵysynda ornalasqan hımııa zaýytynan shyqqan ýly gazdan 8 adam kóz jumyp, júzdegen adam zardap shekti. Bul týraly QazAqparat BBC silteme jasap habarlaıdy.
Apat Vıshakhapatnam qalasyndaǵy polımerler óndiretin zaýytta boldy. Oqıǵa jergilikti ýaqyt boıynsha saǵat 03:00 shamasynda, LG Polymers Ltd kompanııasynyń zaýytynda bolǵan.
Jergilikti dárigerlerdiń aıtýynsha, aýrýhanaǵa kózderi ashyp, tynys alýy nasharlaǵan júzdegen adam jetkizilgen. Hindustan Times gazeti resmı saıtynda qaza bolǵandar arasynda eki áıel men bir bala bar ekenin habarlady. Basylym sondaı-aq, ýly gazdyń shyǵýy saldarynan júzdegen emes, myńdaǵan adam zardap shekkenin jazdy.
Hindustan Times gazetiniń habarlaýynsha, gaz jaqyn aýmaqtaǵy 20 kentke tarap, ondaǵy turǵyndardyń ózderin nashar sezinýine sebep bolǵanyn atap ótýde.
BBC málimetinshe, ýly gaz shyqqan zaýyt Úndistannyń koronavırýs pandemııasyna baılanysty karantın rejımin engizgen 24 naýryzdan beri búgin ǵana qaıta ashylǵan.
