Úndistan Túrkııaǵa qutqarýshylar men dári-dármek jiberdi

NЬıÝ-DELI. QazAqparat – Seısenbi kúni Úndistan jer silkinisinen zardap shekken Túrkııaǵa eldiń Áskerı-áýe kúshteriniń ushaǵy bortynda izdeý-qutqarý toby, izdestirý ıtteri men medıtsınalyq zattardan turatyn gýmanıtarlyq kómektiń birinshi partııasyn jóneltti, dep habarlaıdy QazAqparat Indian Express basylymyna silteme jasap.

Dúısenbi tańyndaTúrkııanyń ońtústik-shyǵysynda jáne Sırııanyń soltústiginde 7,8, 7,6 jáne 6 baldyq jer silkinisi bolyp, aımaqta 4300-den astam adam qaza tapty.

Úndistannyń premer-mınıstri Narendra Modı dúısenbi kúni el bıligine jer silkinisiniń saldaryn eńserý úshin qoldan kelgen kómekti kórsetýdi tapsyrdy.

«Gýmanıtarlyq kómektiń birinshi partııasy – izdeý-qutqarý toptary, arnaıy úıretilgen ıtter, dári-dármek, burǵylaý mashınalary jáne basqa da qajetti qural-jabdyqtar Túrkııaǵa attanýda», - dep jazdy Úndistan Syrtqy ister mınıstrliginiń resmı ókili Arındam Bagchı Twitter-degi resmı paraqshasynda.

Indian Express basylymy Úndistannyń Túrkııaǵa arnaıy daıyndalǵan qyzmetkerlerden turatyn eki izdeý-qutqarý tobyn jibergenin naqtylady.

Túrkııanyń Úndistandaǵy Elshisi Fırat Sýnel Úndistan úkimetine kómek usynǵany úshin alǵys bildirdi.

TheHindu.com aqparat agenttigi Sırııaǵa kómek jóneltý sál keshiktirilgenin habarlady. Buǵan sebep – tek medıtsınalyq zattary bar jáne izdeý toby joq C-130 ushaǵynyń túske deıin keshiktirilýi.

Kóptegen el úkimetteri jer silkinisinen zardap shekken aýdandardaǵy qutqarý jumystaryna kómektesý úshin qyzmetkerler, medıtsınalyq quraldar men jabdyqtardy jiberýde.

Foto:Twitter/@MEAIndia