Úndistan Syrtqy ister mınıstri Qazaqstanǵa keledi

ASTANA. QazAqparat - Úndistannyń Syrtqy ister mınıstri Sýshma Svaradj hanym 2018 jylǵy 2-3 tamyzda Qazaqstanǵa resmı saparmen keledi, dep habarlaıdy QazAqparat.

Sapar barysynda Sýshma Svaradj hanym QR Syrtqy ister mınıstri Qaırat Ábdirahmanovpen ekijaqty kezdesý ótkizedi.

2 tamyzda Úndistannyń Syrtqy ister mınıstri Úndi qaýymdastyǵymen júzdesip, 3 tamyzda  QR Premer-Mınıstri  Baqytjan Saǵyntaevpen kezdesedi.

Úndistan men Qazaqstannyń qarym-qatynastary san ǵasyrlyq tarıhı jáne mádenı baılanystarǵa negizdeledi. Úndistan men Qazaqstan ekijaqty jáne kóp jaqty qarym-qatynastyń árbir salasynda jan-jaqty yntymaqtastyqty arttyryp, 2009 jyldan bastap strategııalyq seriktester bolyp tabylady.

Bul sapar Úndistan men Qazaqstan arasyndaǵy ekijaqty qarym-qatynasty odan ári arttyrý múmkinshiligin beredi.