Úndistan selfı jasaýǵa tyıym salýda
ASTANA. QazAqparat - Mýmbaı qalasynyń ákimshiligi qalanyń 16 aýdanynda selfı jasaýǵa tyıym saldy, dep habarlaıdy The Guardian basylymy. Tyıym salynǵan jerler qaýipsiz emes, alaıda ádemi sýretke túsýge qumarlar bastaryn qaýipke tigýge kedergi bolmaı otyr.
Basylymnyń jazýyna qaraǵanda, 2014 jyly álemde selfı jasamaq bolyp, qaza tapqan 49 adamnyń 19-y Úndistan azamattary bolǵan.
Qaıǵyly oqıǵalardyń jıiliep ketkenine alańdaýshylyq bildirgen polıtsııa qaýipti aımaqtarda selfı jasaýǵa tyıym salýǵa asyqty. Osylaısha, qorshaýlar men arnaıy ustap júretin tutqalary joq jartasty jaǵalaýlarda selfı ıaǵnı avtoportret jasaýǵa tyıym salyndy. Talapty oryndamaǵandarǵa 1200 rýpıı (6 200 teńge shamasynda) kóleminde aıyppul salynady, bul Úndistanda az aqsha emes.
Aqpan aıynda kolledjde 18 jasar stýdenti Nasık qalasyndaǵy jartastyń ústinde selfı jasamaq bolyp, sýǵa qulap batyp ketken. Ony qutqaram dep sýǵa sekirgen grýppalasy da kóz jumdy.
