Úndistan, Reseı jáne AQSh selfı kezinde qaza tapqandardan kósh bastap tur
ASTANA. QazAqparat - Úndistan, Reseı jáne AQSh selfı kezindegi oqys oqıǵalar saldarynan qaza tapqandar sany boıynsha kósh bastap tur. Bul týraly sársenbi kúni CNN telekompanııasy Journal of Family Medicine and Primary Care basylymynda jarııalanǵan baıandamaǵa silteme jasap málim etti, dep habarlaıdy QazAqparat.
Baıandamany Búkilúndistan medıtsına ǵylymdary ınstıtýtynyń (AIIMS) mamany ázirlegen. Ol 2011 jyldyń qazanynan 2017 jyldyń qarashasyna deıin álemde 259 adamnyń selfı túsirip jatyp, mert bolǵanyn anyqtaǵan. Úndistanda osy kezeńde 159 adam qaza tapqan. Odan keıingi oryndarda osy kórsetkish boıynsha Reseı, AQSh jáne Pákistan tur.
Baıandamada atalyp ótilgendeı, álemdegi kóz jumǵandardyń basym bóligi (72%) - jasy 30-dan tómen er adamdar. Áıelder erlerge qaraǵanda kóp selfı jasaǵanymen, olar qaýip-qaterge boı aldyrmaıdy. Mysaly, shyń basynda nemese munaranyń eń bıik tóbesinde sýretke túse bermeıdi. Onyń avtorlary selfıge tyıym salynǵan oryndardy uıymdastyrýǵa shaqyryp jatyr.
