Úndistan prezıdentiniń zaıyby qaıtys boldy
ASTANA. QazAqparat - Úndistannyń birinshi hanshaıymy Sývra Mýkerdjı 18 tamyzda aýrýhanada 75-jasqa qaraǵan shaǵynda dúnıeden ozdy. Bul týraly The Times of India habarlady. Mýkerdjı juma, 14 tamyzda aýrýhanaǵa jatqyzyldy.
Prezıdenttiń zaıyby júrek aýrýyna shaldyqqan bolatyn, alaıda ol aýrýhanaǵa tynys jolynyń qabynýymen jetkizildi.
Sývra Mýkerdjı Djessor okrýginde (qazirgi Bangladesh aýmaǵy) dúnıege kelgen. Úndistan prezıdenti Pranaba Mýkerdjıge 1967 jyly turmysqa shyqqan. Olardyń úsh balasy bar - uldary Abhıdjıt pen Indradjıt jáne qyzy Sharmısta.
Úndistannyń birinshi hanshaıymy sýretshi bolǵan, ári eki kitap jazǵan.
