Úndistan prezıdenti resmı túrde qyzmetine kiristi
ASTANA. QazAqparat - Ram Nath Kovınd seısenbiden bastap Úndistan prezıdenti qyzmetine resmı túrde kiristi, dep habarlaıdy «QazAqparat» HAA HindustanTimes-ke silteme jasap.
Eks-prezıdent Pranab Mýkerdjı men Ram Nath Kovınd ant qabyldaý saltanatty sharasyn ótkizý úshin Nıý-Delıdegi el parlamentiniń bas zalynda boldy.
Saltanatty sharany «kreslo almastyrý» kezinde birneshe sekýnd resmı túrde el prezıdentiniń mindetin atqarýshy sanalǵan Úndistan Joǵary sotynyń tóraǵasy Sıngh Kehar júrgizdi.
Saltanatty túrde ant qabyldaǵannan keıin Kovınd jınalǵan qos palataly parlament depýttattary, memleket qaıratkerleri, eldiń qarýly kúshteriniń ofıtserleri jáne sheteldik dıplomatııalyq qyzmet ókilderi men basqa da qonaqtar aldynda sóz aldy.
Aıta keteıik, bılik basyndaǵy partııa atynan prezıdenttikke úmitker Ram Nath Kovınd 17 shilde kúni ótken saılaýda 65,65 % daýys jınap, jeńiske jetken bolatyn.
