Úndistan premeri resmı saparmen Pákistanǵa barýǵa kelisti
ASTANA. QazAqparat - Úndistan premer-mınıstri Narendra Modı Pákistannyń premer-mınıstri Navaz Sharıftiń 2016 jyly saparmen kelý týraly shaqyrýyn qabyl aldy, dep habarlady VVS agenttigi.
Sáýir aıynda Úndistan pákistandyq tarapty óziniń ishki isine aralasty dep aıyptaǵan soń eki el arasyndaǵy qatynas qaıta buzyldy.
Sharıf Modıdi kelesi jyly Islamabadta ótetin Aımaqtyq yntymaqtastyqtyń Ońtústik Azııa qaýymdastyǵynyń sammıtine qatysýǵa shaqyrdy. Bul Modıdiń premer laýazymyndaǵy Pákistanǵa baratyn alǵashqy sapary bolmaq. Juma kúni Modı men Sharıf Ýfadaǵy BRIKS sammıtiniń alańynda kelissózder júrgizdi. Bul eki premerdiń ótken jyldyń mamyr aıynda bolǵan Modı ınaýgýratsııasynan keıingi alǵashqy kezdesýi. Eki el táýelsizdikke ıe bolǵan 1947 jyldan beri bir eldiń lıderi ekinshi el basshysynyń ulyqtaýyna alǵash ret qatysqan.
