Úndistan polıtsııasy Qazaqstan azamatynyń qazasyna qatysty tergeý júrgizýde - QR SІM
ASTANA. QazAqparat - Úndistanda 50 jastaǵy Birjan Ómirzaqovtyń qazasyna qatysty tergeý júrip jatyr. Tergeý Qazaqstan azamatynyń neden qaıtys bolǵanyn anyqtaý kerek.
«Vrındavan qalasynda bizdiń azamatymyzdyń qaıtys bolǵany ras. Úndistandaǵy Qazaqstan elshiligi sol jerdiń quqyq qorǵaý organdarymen únemi baılanysyp otyr. Qazir azamattyń neden qaıtys bolǵanyn anyqtaý úshin tergeý júrip jatyr. Jýyq arada marqumnyń týǵan-týystary Úndistanǵa baryp, múrdeni Qazaqstanǵa jetkizýdiń amaldaryn qarastyrady. Al, biz, Qazaqstannyń Syrtqy ister mınıstrligi marqumnyń denesin týǵan jerine jetkizý úshin qoldan kelgenshe kómek beremiz»,-dedi QazAqparat tilshisine QR Syrtqy ister mınıstrligi baspasóz qyzmetiniń jetekshisi Anýar Jaınaqov.
Esterińizge sala keteıik, Úndistanǵa týrıstik vızamen barǵan 50 jastaǵy Birjan Ómirzaqov Vrındavan polıtsııasy ýchaskesine qaraıtyn Nıkýnj Ashramda 8 mamyr kúni keshke bir bólmeni jalǵa alǵan. 9 mamyr kúni tańerteń bólmede onyń máıiti tabylǵan.
