Úndistan Ózbekstanǵa Babyr jazbalarynyń kóshirmesin berdi
ASTANA. QazAqparat - Ózbekstan syrtqy ister mınıstri Abdýlazız Kamılov bastaǵan delegatsııa 21 tamyz kúni Delıdegi Úndistan ulttyq mýzeıine bardy, dep habarlaıdy gazeta.uz .
Mýzeıde 200 myń Úndistan men sheteldik óner týyndylary saqtalýda. Ortalyq Azııadaǵy, negizinen Babyr dáýirine baılanysty zattarǵa arnaıy galereıa arnalǵan.
Memleket basshysynyń ózbek halqynynyń tarıhı jáne mádenı muralaryn elge qaıtarý týraly tapsyrmasy boıynsha Ózbekstan elshiligi úndistandyq tarappen Zahrıddın Mýhammad Babyrdyń 1528 jyly jaryq kórgen «Dıvan-ı-Babýr», aqynnyń óz qolymen jazǵan rýbaılary, sondaı-aq 1640 jyly shyqqan «Dar Shıkoh hanzadanyń úılený toıy rásimi» mınıatıýrasy sııaqty mýzeıde saqtaýly turǵan qoljazbalarynyń kóshirmelerin ózbek tarapyna resmı berý máselesin maquldasty.
Úndistan ulttyq mýzeıiniń bas dırektory Býdha Rashmı Manı ózbek delegatsııasyna atalmysh qoljazbalar men mınıatıýralardyń kóshirmesin resmı tabystady. Endi ol Ózbekstan memlekettik tarıhı mýzeıine qoıylady.
