Úndistan Olımpıada oıyndarynan shettetildi
ASTANA. 5 jeltoqsan. QazAqparat - Halyqaralyq olımpıada komıteti (HOK) Úndistannyń birqatar uıymdardaǵy músheligin toqtatyp tastady.
Bul týraly Lenta.ru Associated Press agenttigine silteme jasap habarlap otyr.
Úndistan sportshylary endi halyqaralyq jarystarda, sonyń ishinde Olımpıada oıyndarynda óz elderiniń namysyn qorǵaı almaıtyn boldy. Sonymen qatar eldegi Ulttyq olımpıada komıteti (UOK) HOK tarapynan beriletin sýbsıdııalardan qaǵylyp otyr. Al úndi sheneýnikteri HOK aıasyndaǵy sporttyq sharalarǵa qatysa almaıdy.
Úndistan eldegi UOK jumysyna memlekettiń aralasqany úshin jazalandy. Bılik 5 jeltoqsan kúni ótkeli otyrǵan UOK saılaýynyń nátıjelerine óz yqpalyn jasaýǵa talpynýda. Áý basta saılaý 25 qarashada ótýi tıis bolǵan. Alaıda saılaý komıssııasynyń tóraǵasy memleket tarapynan kórsetilip jatqan qysymǵa qarsy qadam retinde óz laýazymynan ketti, osylaısha, datany shegerýge týra keldi.
HOK Úndistannyń UOK atqarýshy komıtetiniń múshesi Sýrsha Kalmadıdi qýdalaýǵa ushyratqan sol eldiń úkimetin birneshe ret synaǵan bolatyn. 2011 jyldyń sáýirinde Kalmadı jemqorlyqqa qatysy bar degen kúdikpen qamaýǵa alyndy. Keıin 2012 jyldyń qańtarynda bosatyldy. Endi Kalmadı Úndistannyń UOK basshysy laýazymyna saılanýǵa úmitti, degenmen, úndi úkimeti jemqorlyqqa qatysty aıyptalyp otyrǵan onyń kandıdatýrasyna qarsy shyǵýda.
