Úndistan men Pákistannyń ShYU áskerı jattyǵýlaryna qatysý múmkindigi qaralýda
Senattyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysy boldy. Onda «2007 jylǵy 27 maýsymdaǵy Shanhaı yntymaqtastyq uıymyna múshe memleketter arasyndaǵy birlesken áskerı oqý-jattyǵýlar ótkizý týraly kelisimge tolyqtyrýlar engizý týraly hattamany ratıfıkatsııalaý týraly» zań jobasy talqylandy.
«Bul qujat 2017 jyldan beri ShYU-nyń tolyqqandy múshesi bolyp kele jatqan Úndistan men Pákistan Islam Respýblıkasyna áskerı jáne terrorıstik áreketterge qarsy birlesken jattyǵýlarǵa qatysýǵa múmkindik beredi», – dedi senator Talǵat Musabaev.
Qujat sonymen qatar ShYU aıasynda ótetin birlesken áskerı jattyǵýlardyń geografııasyn keńeıtýge de múmkindik beredi.
Halyqaralyq qatynastar, qorǵanys jáne qaýipsizdik komıteti zań jobasyn Palatanyń qaraýyna jiberdi.
Eske sala keteıik, bul zań jobasy Parlament Májilisinde bıyl 9 qyrkúıekte maquldanǵan edi.
Hattamanyń maqsaty – uıym aıasynda áskerı oqý-jattyǵýlardy ótkizý úshin quqyqtyq negiz bolatyn kelesimge ShYU –ǵa engen kez kelgen memlekettiń qosylýyn qatamasyz etý.