Úndistan men Ortalyq Azııa elderi arasynda taýar aınalymy 3 mlrd dollarǵa jetti
«2020 jyly Ortalyq Azııa men Úndistan arasyndaǵy taýar aınalymy 3 mlrd AQSh dollaryna jetti. Bul rette saýda-sattyqtaǵy Qazaqstannyń negizgi úlesi 80 paıyzdy qurady. Degenmen, qazirgi kórsetkishter bizdiń jıyntyq ekonomıkalyq áleýetimizge áli de sáıkes kelmeı otyr. Menińshe, «Úndistan – Ortalyq Azııa» sammıti syndy mundaı dıalog alańynyń jumysy elderimizdiń kezeń-kezeńimen damýy úshin, jańa syn-tegeýirinder men qaterlerge tıimdi jaýap ázirleý úshin is júzinde paıdasy bar», - dep atap ótti Qasym-Jomart Toqaev «Úndistan – Ortalyq Azııa» sammıti barysynda.
QR Prezıdenti pikir almasýdyń osyndaı biregeı formaty memleketter arasyndaǵy yntymaqtastyqty sapaly jańa deńgeıge shyǵarýǵa sep bolatyndyǵyn basa aıtty.
Aıta keteıik, Úndistan Premer-mınıstri Narendra Modı bastamasymen tarıhta alǵash ret ótip jatqan sammıtke QR Prezıdenti Qasym-Jomart Toqaevtan bólek Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon qatysýda.
