Úndistan men Qytaı alǵash bolyp COVID-ke qarsy ıngalıatsııalyq vaktsınany maquldady

NЬıÝ-DELI. QazAqparat – Úndistan men Qytaı koronavırýske qarsy vaktsınatsııanyń jańa ádisin maquldady. Inesiz vaktsınanyń eki túri bar: biri murynǵa shashý, ekinshisi aýyzben demalý, dep habarlaıdy QazAqparat tilshisi CBS News-ke silteme jasap.

Úndistannyń retteýshi organy murynǵa shashatyn Bharat Biotech vaktsınasyn maquldady. Eldiń densaýlyq saqtaý mınıstri Mansýh Mandavııa Twitter-de bul qadam pandemııamen ujymdyq kúresti odan ári kúsheıtetinin jazdy.

Murynǵa arnalǵan vaktsınany Sent-Lýıstegi Vashıngton ýnıversıtetiniń ǵalymdary jasaǵan jáne keıinnen úndilik vaktsına óndirýshi Bharat Biotech lıtsenzııasyn alǵan. Kompanııa eki márte synaq ótkizdi: buryn ekpe almaǵan eriktilerge 3,1 myń vaktsınanyń eki dozasyn jáne COVID-19 basqa vaktsınasynan eki doza alǵan 875 eriktige qosymsha ekpe ekti.

Cansino Biologics málim etkendeı, Qytaı retteýshi organdary koronavırýs vaktsınasynyń ıngalıatsııalyq nusqasyn údetkish doza retinde qoldaný úshin maquldaǵan. Kompanııa aldyn ala zertteý nátıjelerine nazar aýdaryp, bul ıngalıatsııalyq nusqa bir dem alǵannan keıin ımmýndyq qorǵanysty kúsheıtetinin atap ótken.

Foto: cbsnews.com