Úndistan men Bangladeshte surapyl taıfýnnan 2,5 mln adam evakýatsııalanǵan
NUR-SULTAN. QazAqparat – Úndistan men Bangladesh jaǵalaýlary «Amphan» atty taıfýnnan zardap shegip otyr, dep habarlaıdy QazAqparat euronews.com agenttigine silteme jasap.
Jel ekpini saǵatyna 190 shaqyrymǵa jetken. Úndistannyń Batys Bengalııa shtatynda qulaǵan aǵashtyń astynda qalǵan eki áıel qaza tapty. Al Bangladeshte bir adam apat qurbany boldy. Úndistan jaǵalaýlarynda turatyn 450 myń adam, al Bangladeshte eki mıllıonnan astam adam qaýipsiz jerge evakýatsııalanǵan. Eki elde de evakýatsııa kezinde qaýipsizdik talaptary saqtaldy. Keı turǵyndar koronavırýs juqtyrýdan qorqyp, ýaqytsha baspanadan bas tartqan.
Halyqaralyq Qyzyl jarty aı qoǵamynyń Bangladeshtegi bóliminiń jetekshisi Azmat Ýlla mundaı kezde evakýatsııa úlken problema ekenin aıtady.
«Ol úshin biz jergilikti bılikpen tyǵyz yntymaqtastyqta jumys istedik. Olar bizge birneshe ǵımarat taýyp berdi. Áleýmettik araqashyqty saqtaý úshin bul mańyzdy. Biz ony saqtaýǵa bar kúsh-jigerimizdi saldyq. Bizdiń basty mindetimiz – adamdardyń ómirin aman alyp qalý», - deıdi ol.
Qaıyrymdylyq uıymdary mıllıondaǵan rohındja bosqyndarynyń jaǵdaıyna alańdaýly. Óıtkeni olar turatyn jerden koronavırýs ınfektsııasy tabylǵan.
Úndistan men Bangladeshte sońǵy 20 jyldaǵy eń surapyl taıfýn Batys Bengalııa shtatynyń astanasy Kalkýttaǵa jetip, jelden aǵashtar men baǵandar qulaǵan. Qalada jaryq sónip qaldy.
