Úndistan Mahatma Gandıdiń muraǵatyn bássaýdany kútpesten 1,1 mln. AQSh dollaryna satyp aldy
ASTANA. 10 shilde. QazAqparat - Úndistan úkimeti úndi ult-azattyq qozǵalysynyń kóshbasshysy Mahatma Gandıge qatysty myńdaǵan hattar, qujattar jáne fotosýretterden turatyn toptamany 1,1 mln. AQSh dollaryna satyp aldy.
Muraǵat 10 shildege taǵaıyndalǵan Sotheby's bássaýdasyna shyǵaryldy, alaıda Úndistan onyń bolatyn kúnin kútpesten barlyq qujattardy satyp alýdy sheshti. Olar endi Úndistannyń Ulttyq muraǵatynda saqtalady.
Qujattar Gandımen 1904 jyly Ońtústik Afrıkada tanysqan evreı sáýletshisi German Kallenbahtyń otbasynyń ıeliginde bolǵan. Úndistannyń bılik kózderiniń pikirinshe, Kallenbahtyń muraǵaty Mahatma Gandıdiń Ońtústik Afrıkada bolǵan kezeńi týraly jańa aqparatty alýǵa kómektesedi.
