Úndistan Irannan gaz ımporttaýǵa nıetti
ASTANA. QazAqparat - Baspasózdiń habarlaýynsha, Taıaý Shyǵys pen Parsy shyǵanaǵynyń birqatar elderindegi saıası turaqsyzdyqqa baılanysty Úndistan bul elderden gaz ımportyn birtindep qysqartýǵa jáne Iran men Reseıden tabıǵı gazdy satyp alýdy ulǵaıtýǵa sharalar qabyldaýda, dep haarlady Iran.ru.
Úndistan munaı mınıstrliginiń jańa strategııasyna sáıkes bul elde óziniń energetıkalyq qaýipsizdik deńgeıin arttyrý maqsatynda munaıǵa shekten tys táýeldilikti qysqartyp, tabıǵı gaz ımporty úshin múmkindik izdeý qajet. Úndistan úkimetiniń derekkózderi habarlaǵandaı, Úndistannyń munaı mınıstri Dharmendra Pradhannyń taıaýdaǵy Reseıge saparynan keıin Úndistannyń munaı mınıstrliginde jańa strategııalyq baǵdarlama daıyndaldy.
Derekkózderdiń aıtýynsha, tabıǵı gazdy perspektıvalyq jetkizýshi retinde Reseı qarastyrylýda, Úndistan da reseılik gazdy suıytylǵan kúıde de, qubyr ótkizgish boıynsha da ımporttaı alady.
Atalǵan derekkóz sondaı-aq Úndistan Batystyń Iranǵa qarsy sanktsııasy álsiregennen keıin Iran-Pákistan-Úndistan gaz qubyryn salý jobasy iske asyrylýyn kútýde ekenin atap ótti. Bul Irannyń osy jobany iske asyrýǵa barlyq kúsh-jigerin jumsaýyna baılanysty, al Úndistan ırandyq energııa kózderine muqtaj.
