Úndistan hırýrgteri eki basty sábıge sátti ota jasady
ASTANA. 27 qarasha. QazAqparat - Kúrdeli ota Úndistannyń Kalkýtta qalasyndaǵy klınıkalardyń birinde jasaldy.
Dárigerler «parazıt egizi» bar segiz aılyq balanyń ekinshi basyn alyp tastady.
«Tofadjal esimdi er bala dúnıege sırek kezdesetin kemtarlyqpen týdy. Onyń basynyń tóbesinen salmaǵy bir kelige jýyq taǵy bir bas shyqqan. Al onyń ishinde mı qabyqshasy bolǵan», - deıdi neırohırýrg Sısıra Dasa.
Onyń «egizin» alyp tastaý bes saǵatqa sozylǵan. « Bul óte jaýapty ota boldy, skalpeldi sál durys qoldanbaǵanda balanyń ólip ketýi de múmkin edi», - deıdi hırýrg.
Alaıda ota sátti aıaqtalyp, birneshe kúnnen keıin Tofadjal aýrýhanadan shyǵaryldy, dep habarlady Globalscience.
