Úndistan halqy Naýryz merekesinde qazaqtyń ulttyq ónerine tánti boldy (FOTO)

ASTANA. QazAqparat - Úndistandaǵy Qazaqstan Respýblıkasynyń Elshiligi Nıý-Delıdegi birqatar eldiń elshiliktermen birlesip Naýryz merekesin atap ótti. Іs-sharaǵa Úndistannyń Syrtqy ister mınıstriniń orynbasary Prıtı Saran qatysty.

Naýryz merekesine oraı ótken sharada ánshiler, bıshiler jáne mýzykalyq ansamblder jınalǵan qaýym aldynda óner kórsetse, uıymdastyrýshy elder ózderiniń ulttyq taǵamdary qoıylǵan dastarhandar jaıdy. Úndistanda Naýryz merekesi osymen ekinshi márte toılanyp otyr. Bıylǵy kóktem merekesine Delıdiń jáne Úndistannyń basqa qalalarynyń myńdaǵan turǵyndary qatysty.

Úndistandaǵy Qazaqstan Respýblıkasynyń Elshliginiń habarlaýynsha, qonaqtar arasynda qoǵam qaıratkerleri, tanymal saıasatkerler, dıplomatııalyq mıssııalardyń basshylary, isker toptyń jáne buqaralyq quraldardyń ókilderi bolǵan.

Mádenı shara barysynda «Kók túrikter» qazaq ansambli kontsert qoıyp, jınalǵan qaýymdy tánti etti. Ansambl halyq ánderi men kúılerin jáne belgili sazgerler men avtorlardyń shyǵarmalaryn oryndady.

Jınalǵan qaýymǵa Qazaqstan elshiligi úndi astanasynyń turǵyndarynyń kóńilinen shyqqan elimizdiń ulttyq taǵamdaryn usynyp, ulttyq kıimder men zergerlik buıymdaryn kórsetti.