Úndistan bir kúnde koronavırýs juqtyrǵandar sany boıynsha álemdik rekord ornatty

NЬıÝ-DELI. QazAqparat – Úndistanda ótken táýlikte koronavırýs ınfektsııasynyń anyqtalǵan jaǵdaılarynyń sany 314 835-ke artyp, 15 930 965-ke jetti. Bul týraly QazAqparat Úndistannyń Densaýlyq saqtaý jáne otbasylyq ál-aýqat mınıstrliginiń saıtyna silteme jasap habarlaıdy.

Úndistanda bir táýlikte tirkelgen aýyrǵandar sany álemdegi pandemııa tarıhyndaǵy eń úlkeni boldy. Reuters aqparat agenttigi habarlaǵandaı, buryn mundaı jaǵdaılardyń sany bir kúnde resmı túrde esh jerde tirkelmegen.

15 sáýirden bastap Úndistanda 200 myńnan astam jańa vırýs juqtyrǵandar tirkeledi. Elde koronavırýs ınfektsııasynyń ekinshi tolqyny áli shyńyna jetken joq jáne sarapshylar aýrýdyń qashan tómendeıtini jaıly boljam jasaýǵa daıyn emes. Delıdiń ókpe aýrýlary boıynsha mamany TASS agenttigine bergen suhbatynda aıtqanyndaı, kelesi aptada eldegi naýqastardyń bir kúndik sany jarty mıllıonnan asýy múmkin ekenin joqqa shyǵarmaıdy.

Kúnine eń kóp vırýs juqtyrǵandar Maharashtra shtatynda (67,468), Ýttar-Pradesh shtatynda (33,106), Delıdiń Ulttyq astanalyq okrýginde (24,638), Karnataka shtatynda (23,558) jáne Kerala shtatynda (22,414) tirkeldi. Maharashtra shtaty koronavırýs ınfektsııasynan bolǵan ólim-jitimniń eń kóp sany týraly habarlady – 568. Úndistan 28 shtatqa jáne 8 odaqtas aýmaqqa bólinedi (Delı odaqtas aýmaq mártebesine ıe).

Úndistanda bir kúndegi emdelgender sany 178 841-ge artyp, 13 454 880-ge jetti. 2 291 428 patsıent emdelýde, bul aldyńǵy kúndermen salystyrǵanda 133 890-ǵa kóp. Sońǵy 24 saǵat ishinde Úndistanda 2 211 334 adam koronavırýst ınfektsııasyna qarsy ekpe jasady, vaktsınalanǵan azamattardyń jalpy sany 132 330 644 qurady.