Úndistan bıligi iri ózenderdi qurǵaqshylyq jaılaǵan aýdandarǵa burý sheshimin qabyldady
ASTANA. QazAqparat - Úndistannyń Sý resýrstary mınıstri Ýma Bharatı el bıliginiń iri ózenderdiń bir bóligin qurǵaq aýdandarǵa burý jobasyn iske qospaq.
El úkimetiniń baǵalaýynsha, qýańshylyq saldarynan tikeleı nemese janama túrde 330 mıllıonǵa jýyq úndilik azamat zardap shegip otyr.
Mamyr aıynyń basynda Úndistanǵa joǵary temperatýralar tolqyny keldi - eldiń kóptegen aýdandarynda termometr baǵany Tselsıı boıynsha 40 gradýstan joǵary kóterildi.
Mınıstrliktiń jobasyna sáıkes, qurǵaqshylyq bolǵan aýdandar úshin sýdy iri ózender - Brahmapýtra men Gangtan, sondaı-aq Gımalaı muzdyqtarynan alýǵa bolady.
«Jurtshylyq bul jobany qoldaýda, kóshýge de qýana kelisip otyr», - dep málimdedi Bı-bı-sı agenttigine eldiń Sý resýrstary mınıstri.
