Úndistan bıligi ǵıbadathana órtine qatysty oqıǵany tergeýdi tapsyrdy
ASTANA. QazAqparat - Úndistan bıligi eldiń ońtústik batysyndaǵy Kerala shtatynda ındýıstik ǵıabadathanadaǵy órttiń shyǵý sebebin anyqtaý úshin tergeý júrgizýdi tapsyrdy. Aıta keteıik apattan 100-den astam adam qaza tapqan bolatyn. 400-ge jýyq adam túrli jaraqat aldy.
Bı-Bı-Sı agentiginiń habarlaýynsha, ındýıstik dinı meıram kezindegi ot shashý barysynda pırotehnıkanyń jarylýy saldarynan alapat órt shyqqan. Tilsiz jaý tez taralyp, ǵımaratty bezendirgen gúl shoqtary men ilme shamdarǵa ilingen. Órtke shydamaǵan ǵıbadathana qabyrǵasy opyrylyp qulaǵan, saldarynan óte kóp adam mert boldy. Tipti ǵımarattan 200 metr qashyqtyqta turǵandar da zardap shekken.
Shtattyń ishki ister mınıstri Ramesh Chennıtala qaıǵyly oqıǵaǵa baılanysty jan-jaqty tergeý júrgiziletinin aıtty.
Aldymen, polıtsııa hram ákimshiligi men festıval aıasynda merekelik sharalardy uıymdastyrýǵa jaýapty kompanııany jaýapkershilikke tartýdy josparlap otyr.
«Úkimet mereke kezinde ǵımaratqa jaqyn jerde ot shashý paıdalanbaý týraly tyıym jarııa etken. Alaıda ol Pýttıngalde oryndalmaǵan», - dep málimdedi shtattyń bas mınıstri Kreala Oýmmen Chandı.
