Úndistan astanasynyń basshysy ereýil jarııalady
ASTANA. 21 qańtar. QazAqparat - Delıdiń bas mınıstri Delı Arvınd Kedjrıval astanalyq polıtsııany ózine qaıta baǵyndyrýdy talap etip, 10 kúndik ereýil jarııalady, dep habarlaıdy VVS.
Ol jáne oǵan qarasty mınıstrler qalanyń qaq ortasyna ereýilge shyǵyp, kóshede túneýge bel býdy. Ereýilshiler eldiń ІІM ǵımaratyna barmaq bolyp edi, oǵan polıtsııa kedergi qoıdy.
Bastapqyda Kedjrıval jaqynda oryn alǵan jáne ashylmaǵan atyshýly qylmystarǵa baılanysty tórt polıtseıdi jumystan shyǵarýdy talap etken bolatyn. Endi ol Delıdiń polıtsııasyn óz baqylaýyna alýdy kózdep otyr.
Delıdiń bas mınıstri sybaılas jemqorlyqpen ymyrasyz kúres retinde tanymal. Ótken jyldyń sońynda qyzmetine kirisken ol orasan úlken resmı rezıdentsııadan bas tartyp, ózine odan kishirek úı qarastyrýǵa tártip berdi.
Onyń «Afm Aadmı» partııasy (maǵynasy - «Qarapaıym adamnyń partııasy») sybaılas jemqorlyqpen kúres ustanymynyń arqasynda Delıde bılikke keldi.
