Úndistan áskeri júkterin ponı jylqylarymen tasymaldaıtyn bolady
ASTANA. Jeltoqsannyń 14-i. QazAqparat - Úndistan áskeri bıik taýly aýmaqtarda júkterin tasymaldaý úshin, taıaý ýaqyttary, qodastardy paıdalanýdan bas tartýdy kózdep otyr,
dep habarlaıdy QazAqparat Lenta.Rý saıtyna silteme jasap.
Bul janýarlardyń ornyna jergilikti ponı jylqylary - zanıskarıler paıdalanylatyn bolady. Djamma jáne Kashmır shtattaryna enetin Ladakh oblysyndaǵy úndistandyq áskerıler osyndaı 300 ponı jylqylaryn alady.
Boılary 120-140 santımetr bolatyn zanıskarıler bıik taýly aýmaqtardaǵy qarly jerlerde tirshilik etýge beıimdelgen. Mundaı ponılerdiń ortasha ómir súrý uzaqtyǵy 25 jyldy quraıdy jáne árbir janýar 50-60 kılá júk tasymaldaı alady. Qazirgi ýaqytta Úndistannyń Qorǵanysty zertteý jáne ázirlenimder uıymy (DRDO) keleshekte zanıskarılerdiń ósip-ónýin ulǵaıtýǵa jáne olardyń fenotıptik belgilerin jaqsartýǵa múmkindik beretin zertteýlermen aınalysýda.
