Úndistan álemdegi eń jeńil tapanshany shyǵardy
ASTANA. QazAqparat - Úndistandyq óndirýshiler álemdegi eń jeńil tapanshany shyǵarǵanyn jarııalady. BBC habarlaǵandaı, 22 kalıbrli Nidar revolveriniń salmaǵy 250 gramm ǵana, al quny $513.
Bul úndistandyq qarý jasaýshylar shyǵarǵan áıelderge arnalǵan Nirbheek qarýynan eki ese jeńil.
Qarý alıýmınıı quımasynan jasaldy, beriktigi bolattan jasalǵandaı, alaıda salmaǵy áldeqaıda jeńil. Revolver barabanynyń dıametri - 40 mm, qarý uzyndyǵy -14 santımetr ǵana.
Revolverdi memlekettik kásiporyndarda shyǵarady.
Qarý azamattardyń ózin-ózin qorǵaýyna arnap shyǵaryldy. Degenmen Úndistan zańyna sáıkes, kóptegen qoǵamdyq oryndarda qarý alyp júrýge tyıym salynǵan, dep atap ótti BBC. Nidar konstrýktorlary bıyl 10 myń qarý satýǵa úmittenip otyr.
