Úndistan 800 mln. azamatyn tegin tamaqtandyrýdy qarastyratyn baǵdarlama qabyldamaq
ASTANA. 5 tamyz. QazAqparat - Úndistan parlamenti halyqtyń úshten eki bóligi úshin azyq-túlikti sýbsıdııalaý boıynsha baǵdarlamany talqylaýdy bastaıdy.
VVS-diń jazýynsha, baǵdarlamanyń negizgi elementi - ulttyq azyq-túlik qaýipsizdigi týraly zańy Úndistan qazynasyna jylyna 24 mlrd. AQSh dollary kólemindegi qarjyny jumsaýdy qajet etedi. Bul qujat qabyldanǵan jaǵdaıda - ol álemdegi áleýmettik qamtamasyz etý baǵytyndaǵy eń iri jeli bolmaq.
Osy zań boıynsha úkimet 800 mıllıon adamnyń árqaısysyna aıyna 5 keliden astyq taratý mindetin moınyna alady. Zańdy synaýshylar atalǵan baǵdarlama Úndistandy oısyratatyn popýlıstik qadam dep ataýda, al ony qoldaýshylar kedeıshilikpen kúreste mańyzdy sheshim degen pikirde.
Baǵdarlamany oryndaý úshin 30-dan astam zańdy qabyldaý qajet kórinedi.
