Úndistan 2022 jyly álemde halyq sany boıynsha kósh bastaıdy
ASTANA. QazAqparat - Jeti jyldan keıin Úndistan álemdegi eń halqy kóp elge aınalady. Budan buryn Úndistan Qytaıdy bul kórsetkish boıynsha 2028 jyly basyp ozady delinse, endi 2022 jyl aıtylýda.
Bul týraly boljam sársenbide BUU halyq sanaǵy bóliminiń jarııalaǵan baıandamasynda aıtyldy.
Qujatqa sáıkes qazirgi halyq sany 1,38 mlrd adamǵa jetken Qytaı halqy 2030 jylǵa deıin ózgermeıdi, keıin birtindep azaıa bastaıdy. Úndistanda bul kórsetkish 2022 jyly 1,31 mıllıardtan 1,4 mıllıardqa deıin, 2030 jyly 1,5 mıllıardqa deıin, 2050 jyly 1,7 mıllıardqa deıin ulǵaıady.
BUU sarapshylarynyń baǵalaýynsha, Jer halqy 2050 jyly 7,3 mıllıardtan 9,7 mıllıardqa deıin ósedi. Demograftardyń boljamynsha, XXI ǵasyrdyń sońynda ǵalamsharda 11,2 mıllıard adam tirshilik keshetin bolady.
