Úndistan 2013 jyldyń qarashasynda Marsqa óz ókildigin attandyrýǵa daıyn
Onyń kómegimen Marstyń ellıpstik orbıtasyna 50-den 800 myń shaqyrymǵa deıingi qashyqtyqta ǵarysh apparaty shyǵarylady, oǵan 25 keli shamasyndaǵy ǵylymı-zertteý jabdyqtary ornalastyrylady.
«Bul ekspedıtsııa bizge qorshaǵan ortanyń jaǵdaıyn, Qyzyl ǵalamshardyń geologııasyn zertteýge, onyń shyǵýy men damýy týraly málimetter alýǵa, sondaı-aq ondaǵy qandaı da bir ómir súrýge qolaıly tirshiliktiń bar-joǵy jóninde derekter bilýge múmkindik beredi dep boljanyp otyr», - dedi ISRO-nyń resmı ókili S.Satısh. Bul týraly «Interfaks-Kazahstan» habarlady.
Qazir «Mars mıssııasyn» júzege asyrýǵa qajetti jaǵdaılardyń bári daıyn jáne ǵaryshtyq agenttik Úndistan Úkimetiniń formaldi túrdegi qoldaýyn ǵana kútýde. Bul jobanyń iske asyrylýy 2016-18 jyldarǵa josparlanǵan edi, biraq el Úkimeti ony qarjylandyrý kólemin ulǵaıtty, sondyqtan ony iske asyrý merzimi qysqartylǵan bolatyn.
