Úndistan 2005-2018 jyldary Qazaqstan ekonomıkasyna 317 mln dollar ınvestıtsııa quıdy
QR Syrtqy ister mınıstrligi jańa úndi ınvestorlaryn tartý úshin isker toptarmen jáne bıznespen yntymaqtastyqty odan ári kúsheıtý jumystaryn jalǵastyrýda. Munyń aıqyn dáleli - XII Astana ekonomıkalyq forýmyna jáne III Jahandyq ınvestıtsııalyq dóńgelek ústelge qatysý úshin 8 úndi kompanııasynyń, onyń ishinde 5 transulttyq kompanııanyń Qazaqstanǵa sapary. Іskerlik sapar barysynda birqatar mańyzdy ýaǵdalastyqtarǵa qol jetkizildi.
Eki jaqty kelisimderdiń tabysty nátıjeleriniń biri retinde Shymkent qalasynda Disney Land sııaqty otbasylyq oıyn-saýyq parkin soǵý boıynsha ýaǵdalastyqty atap ótýge bolady. Jobaǵa attraktsıondar parki, akvapark, jabyq oıyn-saýyq ortalyǵy, qonaq úı, SPA, kottedj qalashyǵy, tabıǵat parki, golf-klýb qurylysy kiredi. Bul jobanyń ınvestory - CG Corp Global iri konglomeratynyń ıesi Bınod Chaýdharı sondaı-aq álemdik deńgeıdegi saıabaqtarǵa uqsas Almaty qalasynda týrıstik keshendi qurýǵa qyzyǵýshylyq bildirýde.
Sondaı-aq, RV Healthcare kompanııasynyń qatysýymen dıabetke qarsy preparattar óndirisin jolǵa qoıý josparlanýda. Atalǵan joba iske asyrylǵan jaǵdaıda Qazaqstan bul preparatta ımport almastyrýdy 100%-ǵa júzege asyryp, aımaqta ınsýlınniń negizgi jetkizýshisine aınalýy múmkin.
Qazirgi ýaqytta úndi kompanııalaryn taý-ken óndirý, aýyl sharýashylyǵy jáne basqa da salalarǵa tartý úshin birqatar kelissózder júrgizilýde.
Jalpy 2019 jyldyń 5 aıynda QR syrtqy saıası vedomstvosy áleýetti úndi ınvestorlarynyń qatysýymen shamamen 10 jańa jobany anyqtaı aldy.
Osylaısha, úndi bıznesi búginde Qazaqstan ekonomıkasyna aıtarlyqtaı belsendilik pen qyzyǵýshylyq tanytýda. Óz kezeginde, ekonomıkalyq dıplomatııa jasalǵan jumys tetigin paıdalana otyryp, ekijaqty yntymaqtastyqty ulǵaıtýdy jalǵastyrady.
