Úndiniń úsh kelinshegi álemdik týrne aıasynda Qazaqstanǵa kelmek
ASTANA. QazAqparat - Úndistanda turatyn úsh kelinshek óz avtokólikterimen úndi áıelderiniń quqyǵyn nasıhattaý úshin álemniń 24 eline 70 kúndik saıahatyn bastady. Jospar boıynsha olar saparyn Londonnan bastamaq, dep jazady Ani saıty.
Mýmbaıda turatyn 55 jastaǵy Prııa Radjpal, Koımbatorda turatyn 45 jastaǵy Mınakshı Arvınd pen Pollach eldi mekeninde turatyn 38 jastaǵy Mýkambıka Ratına kúnine 500 shaqyrym jol júrip, 70 kún ishinde 24 myń shaqyrym jerdi aralap ótpek.
70 kún ishinde úndiniń úsh kelinshegi Mıanma, Qytaı, Qyrǵyzstan, Ózbekstan, Qazaqstan, Reseı, Belarýs, Polsha, Slovakııa, Majarstan, Rýmynııa, Bolgarııa, Makedonııa, Serbııa, Horvatııa, Avstrııa, Chehııa, Shveıtsarııa, Frantsııa, Belgııa, Nıderlandy men Ulybrıtanııa elderine barady.
Saıahatshy áıelderdiń aıtýynsha, olar bul týrneni Úndistan táýelsizdiginiń 70 jyldyǵyna arnap otyr. Áıelderdiń bireýi bul uzaq sapar kezinde 8 jasar qyzyn týysqandarynyń qaraýyna tapsyrypty. Úsh kelinshek saparǵa óte qatty daıyndalǵandaryn, tipti, Ózbekstanda janarmaı joǵyn eskerip, janarmaı qoryn alyp shyǵatyndaryn aıtqan.
Sondaı-aq, úsheýi avtokóliktiń keıbir jerlerin jóndep te úırengen eken. Úsh áıeldiń saıahatynyń negizgi maqsaty - Úndistandaǵy áıelderdiń de erlermen birdeı bilim alyp, jumys isteýge quqyǵy bar degendi dáleldeý.
Foto: aninews.in
