Úndiniń tanymal «Kelin» telehıkaıasynyń kórsetilimi aıaqtaldy
ASTANA. QazAqparat - "Qazaqstan" telearnasy otandyq telekórsetiliminiń reıtıngti hıkaıalarynyń biri - "Kelin" úndi kórkem fılmin kórsetýdi aıaqtady. 4 tamyzda efırde qorytyndy epızody kórsetildi, dep habarlady ulttyq telearnanyń baspasóz qyzmeti.
Bir jarym myń serııaǵa tatıtyn "Kelin" hıkaıasynyń áserli sıýjeti ózine myńdaǵan qazaqstandyqtardyń nazaryn baýrap ta úlgerdi. Olardyń barlyǵy derlik fılmniń keıipkerlerimen birge kún saıyn mahabbattyń, ókinishtiń, satqyndyqtyń jáne shyn-shytyrmannyń kýási boldy.
Ózderi súıip úlgergen akterleriniń Qazaqstanǵa kelýin asyǵa kútetin. 2014 jyly "Qazaqstan" RTRK arnaıy shaqyrýymen Astanaǵa Anandı roliniń somdaýshysy-Avıka Gor kelse, ústimizdegi jyly Astanada "Kelin" hıkaıasyndaǵy Shıv - Sıddhart Shýklanyń kelýi úlken ásermen ótti dese de bolady. Qos akter de myńdaǵan adamnan quralǵan tanattaryna tabynýshylarymen kezdesip úlgerdi.
Al búgin, 5 tamyzda «Qazaqstan» telearnasynda «Júregim sizge amanat» fılıppın dramasynyń premerasy bolady. Ol otbasylyq oqıǵalarǵa, otbasylyq qundylyqtarǵa mán beretin, tartymdy mahabbat hıkaıalaryn jaqsy kóretin qazaqstandyq kórermenderge qyzyqty bolmaq.
Telehıkaıa óz Otanyndaǵy eń úzdikteriniń biri bolyp tabylady. Ol 2012 jyly Fılıppınde kórsetilgen kezde onyń reıtıngi aldyna jan salǵan joq! Serıaldyń azııalyq festıvaldar men konkýrstardan alǵan onnan asa nagradalary bar, kóptegen fan-klýbtar qurylǵan. Ony Vetnam men Malaızııa kórip úlgergen.
100 serııaly «Júregim sizge amanat telehıkaıasy" - ózi stıýardessa bolýdy armandaǵan jáne óz otbasyna kómekteskisi kelgen Maııa esimdi qarapaıym qyzdyń óz armanyna jetý úshin úlken qalaǵa ketý jóninde sheshim qabyldaǵandyǵy týraly oqıǵa. Biraq Manılaǵa jetken kezde Maııa shetelden jumys taýyp berýge ýáde etken áıeldiń ony aldaǵandyǵyn biledi jáne ol úlken qalada aqshasyz jáne baspanasyz qalady. Onyń eń sońǵy úmiti - jaǵdaıy jaqsy jáne qoǵamda yqpaly bar baı Rıchard bolady. Onyń úsh «problemalyq» balasynyń baqyty onyń áıeliniń ketýimen máńgilikke joǵalǵan sııaqty bolyp kórinedi. Aýyl qyzynyń jaqsylyqqa yntasy men meıirbandylyǵy «salqyn» úıge jylylyq ákeledi jáne otbasynyń berekesin kirgizýge kómektesedi.
Telehıkaıa ilespeli sýbtıtrlarmen orys tilinde júredi. Sondyqtan, teleaýdıtorııanyń keń aýqymy úshin qyzyqty bolady degen senimdemiz. Jiberip almańyzdar ! 5 tamyzdan bastap dúısenbiden jumaǵa deıin 22.40-ta «Qazaqstan» telearnasynda otbasylyq dramalyq jáne tańǵajaıyp súıispenshilik tarıhy sóz bolady.
