Úndilik jerleýge apara jatqan kezde oıanyp ketti
ASTANA. QazAqparat - Úndistandaǵy Karnataka shtaty Maragýndı aýdanyna qarasty Darvad eldi mekeniniń turǵyny ózin jerleýge apara jatqan shaqta oıanyp ketken. Bul týraly Times of India basylymy jazdy.
Bir aı buryn 17 jastaǵy Kýmar Marevadty (Kumar Marewad) qańǵybas ıt qaýyp alǵan. Budan keıin jasóspirimniń temperatýrasy kóterilip, apta boıy túspeıdi. Al jaǵdaıy kúrt nasharlaǵan soń aýrýhanaǵa jatqyzyldy. Odan keıin ókpeniń jasandy ventılıatsııasy apparatyna qosqan.
Dárigerler Kýmardyń ata-anasyna juqpanyń bútkil denesine jaıylyp ketkendigin, apparatsyz ómir súre almaıtyndyǵyn túsindirgen. Onyń ústine kedeı otbasy emdeý qymbat bolǵandyqtan jasóspirimdi úılerine alyp ketedi.
Artynan onyń qozǵalyssyz jatqanyn jáne tynys almaǵanyn kórgennen soń baqılyq boldy dep uıǵarady jáne ulttyq dástúrge sáıkes jerleý rásimin uıymdastyrady. Qaıǵyly protsess ótkizetin jerge eki shaqyrym qalǵan shaqta Kýmar kózin ashyp, qoly men aıaǵyn qozǵap jáne jıi tynys alǵan.
Patsıentti tezdetip aýrýhanaǵa jetkizip, apparatqa qaıta qosady.
Dárigerlerdiń pikirinshe, úndiliktiń aýrýy qutyrǵan ıttiń qabýy saldarynan denege jaıylyp ketken menıngoentsefalıt juqpasy.
