Úndilik fermer qaryzynyń ótemine jolaýshylar poıyzyn aldy
ASTANA. QazAqparat - Úndistannyń Pendjab shtatynyń soty jergilikti fermerge temirjol ákimdigine bergen qaryzynyń ótemaqysy retinde jolaýshylar poıyzyn berýge úkim shyǵardy.
NDTV telarnasynyń habarlaýynsha, sot shaǵymdanýshyǵa qaryzdyń ótemi úshin 20 vagony bar jolaýshylar poıyzyn berýge qaýly etken.
Fermer Sampýran Sınghtan shtattyń temir jol ákimshiligi osydan birneshe jyl buryn temir jol tarmaqtaryn salý úshin jer alǵan. Biraq osy jer telimi úshin berýge tıis 1 mln rýpııdi ( $15,3 myń shamasynda) tólemegen.
2015 jyly Sıngh osy máselege oraı qaralǵan iste jeńip shyǵady, biraq ákimshilik qarjy joq degen jeleýmen bermegen. Fermerdiń advokaty aǵymdaǵy jyldyń qańtarynda sotqa qaıta aryzdanǵan. Sýdıa fermerdiń paıdasyna temirjol múlki - poıyzdy tárkileýge qaýly etti.
Ótken juma kúni keshke Sınh óz advokatymen jáne sot prıtavtarymen birge Lýdhıana vokzalyna kelip, júrdek poıyzdy kútedi. Ol kelgen sátte mashınısine quramdy tárkileý týraly sottyń qaýlysyn tapsyrady. Degenmen Sınh oǵan marshrýtyn toqtatpaı jolaýshylardy barar jerine jetkizýine kelisimin beredi.
Degenmen temir jol ákimshiligi poıyzdy qaryzdy tapqansha, eki kún boıy jolaýshylar tasymaldaýǵa ruqsat ala aldy. Eger aqsha tabylmaǵan jaǵdaıda poıyz jáne onyń 20 vagony aýktsıonǵa qoıylýy múmkin.
