Úndilik azamat bir mınýttyń ishinde adamdardy qushaqtaýdan álemdik rekord ornatty

ASTANA. QazAqparat - Úndistannyń Andhra-Pradesh shtatynyń turǵyny mınýtyna 70 adamdy qushaqtap, álemdik rekord ornatty. Bul týraly Guinness World Records saıty habarlady.

Krıshna Kýmar (Krishna Kumar) álemdik rekord ornatý úshin jergilikti mekteptiń 88 oqýshysy kezekke turǵan. Er adam 60 sekýndtyń ishinde 83 adamdy qushaqtaı aldy, alaıda Gınnestiń rekordtar kitabynyń ókilderi tek 79 ret dep eseptedi. Olar óz sheshimin qalǵan tórteýin qushaqtaý palýandarsha ustap alýǵa uqsas dep túsindirdi.

Kýmar Gınnestiń rekordtar kitabyna kirgenin «adam úshin joǵary jetistik» dep atady.

Buǵan deıingi rekord 2014 jyly Avstralııada tirkelgen. Ony 60 sekýndtyń ishinde jergilikti balalar aýrýhanasyndaǵy 77 adamdy qushaqtap úlgergen telejúrgizýshi Kerrı Bıkmor ornatqan bolatyn.