Úndi serıaldary ulttyq bolmysymyzdy buzyp barady - baspasózge sholý
***
«Egemen Qazaqstan» gazetiniń jazýynsha, qazirgi tańda Memlekettik qyzmet isteri jáne sybaılas jemqorlyqqa qarsy kúres agenttigi memlekettik qyzmet salasyndaǵy memlekettik menedjmentti engizý týraly Elbasynyń tapsyrmasyna sáıkes zamanaýı, kásibı, derbes memlekettik apparatty qurý jumystaryn jetildirýde. Olar memlekettik qyzmettiń jańa modeliniń ekinshi kezeńinde qoıǵan tapsyrmalaryna sáıkes bolady. Bul jóninde Prezıdent janyndaǵy Ortalyq kommýnıkatsııalar qyzmetinde ótken brıfıngte Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Saıan Ahmetjanov málimdegen. «Memleketti tıimdi basqarýdy damytý» taqyrybyndaǵy jıynda memlekettik apparattardyń kásibıligin arttyrý tetikteri sóz boldy. Qosymsha memleket qyzmetkerleriniń jalaqysyn kóterý məselesine bonýstyq júıeni qurý úshin memlekettiń tólemaqy júıesin jetildirý məselesi boıynsha jarlyq əzirleýdemiz. Ər memlekettik qyzmetker óziniń qyzmet etetin jumys ornynyń tıimdiligin kúsheıtýge múddeli bolýy tıis», - dedi S.Ahmetjanov. Maqala «Bilikti maman - zaman talaby» degen taqyryppen berilgen.
Jaqyn arada AQSh-tyń klassıkalyq radıosynyń áýe tolqynynda qazaq mýzykasy oryndalatyn boldy. Halyqaralyq yntymaqtastyq jáne tájirıbe almasý maqsatynda «Classical KUSC» (LosAndjeles, AQSh) radıostansasynyń bas mamandary Brenda Barners (Ońtústik Kalıfornııa ýnıversıtetiniń radıo jáne «Classical KUSC» prezıdenti) jáne Krıstofer Mendez (zamanaýı tehnologııalar mamany) Almatydaǵy «Classic» radıosynda («Qazaqstan» respýblıkalyq teleradıokorporatsııasynyń quramyna kiredi) qonaqta bolǵanda osy máselege oraı jýrnalısterge óz pikirlerin bildirdi. Bul jaıynda « Egemen Qazaqstan» gazetindegi «Álemge taraıtyn áýen» degen taqyryptaǵy maqalada aıtylǵan. «KUSC» radıosynyń prezıdenti Brenda Barns: «Bul radıo - men kórgen klassıkalyq mýzykanyń úzdik radıolarynyń biri. Sizdermen tanysyp, ári uzaq merzimdi áriptestikke qol jetkizgenimizge qýanyshtymyz. Qalanyń kórikti jerlerin aralap, jaqsy áserge bólengen jaıymyz bar. Bizge qazaq halqynyń qonaqjaılyǵy, kásibı qarym-qabileti unady. Qazaqstannyń qazirgi tabystaryna tańǵalmasqa lajyń joq», - dep aǵynan jaryla áńgimelegen. Al «Classic» radıosynyń dırektory Raýshan Jumanııazova áriptesiniń pikirine oraı: «Los-Andjelestik áriptesterimizben kezdesýimiz sátti ótti. Biz kóptegen paıdaly aqparatqa qol jetkizdik. Eń bastysy, Los-Andjeleste, San-Frantsıskoda, Santa-Barbarada, Santa-Klarıta men Palm-Sprıngsta, Taýzend-Oýkstte qazaq mýzykasyn, bizdiń kompozıtorlar men oryndaýshylardyń ónerin áýe tolqynynda taratatyn turaqty baǵdarlama týraly kelisimge qol jetkizdik. Qazaq áýeniniń áýe tolqyny arqyly álemge pash etilýi biz úshin óte mańyzdy», - dep atap kórsetti.
***
«Elimizde jyl saıyn zańger mamandyǵy boıynsha 18-20 myńnan asa bakalavr daıyndalady. Bul degeniń naryqtaǵy suranystan da artyq bolyp otyr. Degenmen, zańgerlik kompanııalarǵa zań salasyn jilikshe shaǵatyn mamandar áli de jetkiliksiz. Kompanııalar mamandardy qarapaıym nárselerdiń ózin úıretýge 3-6 aı ýaqyttaryn jumsaıdy eken. Sonda bilimderi bolmasa, dıplom nege berilgen? Oqý oryndaryndaǵy bilim berý júıesi durys bolmaǵany ma? Muny qalaı túsinemiz?» - dep jazady «Aıqyn» gazeti búgingi sanyndaǵy «Zańger kóp, maman az» degen taqyryptaǵy maqalasynda. Basylymnyń jazýynsha, qanshama zań salasynyń mamany daıyndalǵanymen, bilikti zańgerler jetispeı otyr. Sol sebepti osy máseleni sheshýge yqpal etý úshin Almatyda áleýmettik bilim berý jobasy júzege asyrylyp otyr. Óıtkeni jumys berýshiler «zańgerlik qyzmetti» suranysqa ıe alǵashqy bestiktiń qataryna engizgen. Alaıda mamandardyń aıtýynsha, jas zańgerlerdiń tájirıbesi joq. Qazaqstandyq Halyqaralyq Arbıtrajdyń Tóraǵasy, «Zanger» zańgerlik fırmanyń aǵa áriptesi Maıdan Súleımenov muny oqytý baǵdarlamalarynyń kóbine qylmystyq quqyq pánderine, prokýrorlyq-tergeýshilik qyzmetkerlerdi daıyndaýǵa arnalyp otyrǵandyǵymen baılanystyrdy. Al naryqtyq ekonomıka, kommertsııalyq quqyq, azamattyq quqyq salasyndaǵy mamandarǵa durys kóńil bólinbeýde. Negizinen, qazir solarǵa degen suranys joǵary ekenin aıtty.
«Aıqyn» gazeti buǵan deıin de aşy ishekteı sozylǵan úndiniń serıaly - úndiniń qundylyǵyn, qytaıdyń serıaly - qytaıdyń mádenıetin, koreıdiń serıaly - káristiń múddesin qorǵaıtynyn jazǵan bolatyn. Alaıda, ózge eldiń qundylyǵyn nasıhattaýǵa múddeli arnalarǵa áli tyıym bolmaı turǵanyna qynjylys bildirgen basylym beısenbilik nómirinde «Úndi serıaldary ulttyq bolmysymyzdy buzyp barady» degen taqyryppen maqala jarııalady. Maqalada telearnanyń, onyń ishinde serıaldardyń adam faktoryna áseri qandaı, zııany qandaı, paıdasy qandaı degen máselelerge taladý jasalǵan. «Qazir ekiniń biri ulttyń tarıhyn bilmeýi múmkin. Esesine, Anandıdiń taǵdyryn jaqsy biledi. Jaqsy biletini sonshalyq, Anandımen ómiri bite qabysyp, birge ómir súrip keledi. Problemasy jeterlik: kúndelikti as-sýyn aıyra almaı otyrsa da, serıalǵa telmirýge májbúr. Psıhologtar muny dert sanaıdy. ıAǵnı serıaldyń eskirtkiden aıyrmasy shamaly. Ol da seni eriksiz májbúrleıdi. Ózine basybaıly etedi. Anandıdiń bir serııasyn ótkizip alsa, ekinshi kúni aýyryp qalatyn apalarymyz kóbeıdi», - dep jazady maqala avtory.
***
«Kazahstanskaıa pravda» gazetiniń jazýynsha, Memleket basshysy Nursultan Nazarbaev Vengrııa Premer-mınıstri Vıktor Orbandy qabyldady. Kezdesý barysynda taraptar eki eldiń ózara yqpaldastyǵynyń keń aýqymdaǵy máselelerin, sondaı-aq, halyqaralyq kún tártibindegi ózekti jaıttardy talqylady. Kezedsý barysynda Qazaqstan Prezıdenti eki el yntymaqtastyǵy damýynyń údemeli qarqynyna nazar aýdardy. «Bul bizdiń birinshi kezdesýimiz emes. Bul baılanystar bizdiń saýda-ekonomıkalyq qarym-qatynastardy nyǵaıtýǵa yqylasty ekenimizdi kórsetedi. Biz Vengrııanyń Eýropalyq odaq elderi arasynan alǵashqylardyń biri bolyp Qazaqstanmen strategııalyq seriktestik týraly kelisimge qol qoıǵanyn joǵary baǵalaımyz. Sizdiń saparyńyz nátıjeli bolýy, yntymaqtastyǵymyzdyń naqty baǵyttary boıynsha ýaǵdalastyqtarǵa qol jetkizilýi úshin biz qajetti kúsh-jigerimizdi jumsaıtyn bolamyz», - dedi Memleket basshysy. V.Orban óz kezeginde Qazaqstan Prezıdentine elge shaqyrý úshin rızashylyq bildirip, vengr halqynyń sálemin jetkizdi.
