Úndi musylmandary qurbandyqqa sıyr shalýǵa qatysty shekteýge qarsy shyqty
ASTANA. QazAqparat - Úndistan musylmandary jergilikti bıliktiń Qurban aıt kezinde iri qara malyn qurbandyqqa shalýǵa qatysty bekitken shekteýlerin alyp tastaýdy talap etýde. Aıta keteıik, Úndistanda sıyr maly qasıetti sanalyp, Zeńgibaba tuqymynyń etin jeýge tyıym salynǵan, dep jazady muslim.kz.
Úndistan musylmandary qoıdyń qymbat turatynyn, osy sebepti de qurban shalǵysy kelgenderdiń kez kelgeniniń qoı satyp alýǵa qaltasy kótermeıtinin aıtady. Olardyń bul talaptaryn keıbir saıasatkerler de qoldap, Úkimetke óz usynystaryn bildirdi. Qasıetti Qurban meıramy kezinde arnaı úshkúndik qasaphana ashyp qoıýdy usynǵandar da barshylyq.
