Úndi qyzdary zorlyqtan qorǵaıtyn shalbar oılap tapty
ASTANA. QazAqparat - Úndistandaǵy Varanası qalasynda turatyn eki qyz zorlaýshylardan qorǵaıtyn áıelderge arnalǵan shalbar oılap tapty. Buny The Daily Mail habarlaıdy.
Baǵasy nebári 25 rýpıı (0,42 dollar) turatyn shalbarǵa usaq elektrondyq qurylǵy ornatylady, qurylǵy jaqyn mańdaǵy polıtsııa bólimine dabyl jáne shabýyl jasalǵan áıeldiń turǵan orny týraly aqparat jiberedi. Búgingi tańda Úndistannyń 200-den astam polıtsııa bólimsheleri aqparat quraldarymen jabdyqtalǵan. Úndilik BAQ-ta zorlanǵan áıelder týraly aqparattar jıilep ketkendikten 21 jastaǵy Dıksha Patak (Diksha Pathak) jáne 23 jastaǵy Andjalı Shrıvastava (Anjali Srivastava) shalbardy jasaýǵa bel býǵan eken. Olardyń aıtýynsha qurylǵynyń qýat kózi úsh aıǵa deıin jetedi, keıin ony almastyrý qajet. Statıstıka boıynsha Úndistanda árbir 22 mınýt saıyn zorlyq-zombylyq jasalady. Eger shalbarlardyń tájirıbede shyn kómegi tıse, bul jańa ónim ulttyq deńgeıde qoldanysqa enbek.
