Úndi kelinshegi kúıeýiniń feısbýkte statýsyn ózgertpegenine bola ajyrasyp ketti
ASTANA. 19 mamyr. QazAqparat - Úndi eliniń Maharashtra shtatynyń turǵyny kúıeýimen aıyrylysýǵa bel býdy, dep habarlaıdy BAQ.KZ gjhnfks Daily Mail basylymyna silteme jasap. Qudaı qosqan qosaǵynan bas tartýyna basty sebep Facebook kórinedi.
Atap aıtqanda, bar pále otaǵasynyń Feısbýkte óz statýsyn "úılengen" degen jazbaǵa aýystyrmaýynan týyndaǵan. Áıeli qansha ótinse de statýsyn ózgertpegen kúıeýi ózgertkenshe áleýmettik jelidegi akkaýntyn óshirýge ázir ekendigin aıtqan.
Osydan soń shańyraq shaıqalyp, erli-zaıyptylar óz jónderin tapqan. Kelinshek óz dostaryna úılengenin jasyrǵan erkekke senimi joǵalǵanyn jetkizgen. Ekeýiniń otaý qurǵanyna eki aı ǵana bolypty.
Brıtandyq Divorce-Online zańgerlik kompanııasynyń zertteýinshe, áleýmettik jeli kıkiljińinen jastardyń ajyrasýy bıylǵy jyly osymen úshinshi ret bolyp otyr eken.
