Úndi dárigerleriniń jolbarystyń tabanyna protez ornatý áreketi sátsiz boldy
NЬıÝ-DELI. QazAqparat – Úndilik dárigerler jolbarys tabanyna protez ornatýǵa árekettendi. Biraq bul sátsiz aıaqtalyp, túz taǵysy jasandy aıaqty qabyldamaı qoıdy. Bul týraly QazAqparat The Times of India gazetine silteme jasap habarlaıdy.
Basylymnyń habarlaýynsha, otany senbi kúni Maharashtra shtatynyń Nagpýr qalasyndaǵy emhanada veterınarlar men ortopedter jasaǵan. Sahebrao atty jolbarys narkozdan keıin esin jıǵan sátinde turýǵa áreket jasamaı, protezdi jula bastaǵan, dárigerlerge bul qurylǵyny bólshektep, qaıta jasaýǵa týra kelgen.
«Biz keıinirek otany álemdegi iri eksperttermen baılanysqannan keıin jańasha jospar quramyz. Ázirge bul sátsiz áreketimizge ókinýden basqa shara joq», - dedi otany jasaǵan tanymal ortoped Shýshrýt Babhýlkar.
Toǵyz jastaǵy Sahebrao 2012 jyly Chandrýpýr okrýgindegi Tadoba-Andharı qoryǵynda brakonerlerdiń tuzaǵyna túsip, sol jaq aldyńǵy tabanynan aıyrylǵan bolatyn.
