Úndi bankıri 250 myń dollarǵa altyn kóılek satyp aldy
ASTANA. 28 sáýir. QazAqparat - Úndilik Pımprı-Chınchvad qalasyndaǵy 32 jastaǵy bankır Data Fadj álemdegi eń qymbat kólek satyp aldy. Bul týraly 24 KZ habarlady.
24 karattyq altyn jiptermen túrli-tústi oıý salynǵan aq barqyttan tigilgen bul kóılekti 2 apta boıy 15 maman qolmen tigip shyqty, salmaǵy - 3 keli 300 gramm. Álemdegi eń qymbat kóılektiń baǵasy 250 myń dollar turady.
Ol óziniń dáýletin qymbat baǵaly metalǵa sátimen ınvestıtsııalap, óziniń búkil ómirindegi armanyn oryndady. Kolledjde oqyp júrgen kezinen-aq ol altynǵa malynyp, óziniń baılyǵynyń ıgiligin kórýdi armandaǵan bolatyn.
Fadj áıelin de úlde men búldege oraýdy umytqan joq. Onyń áıeli de altynǵa qumar. Onyń kollektsııasynda kúıeýi syıǵa tartqan jarty myń kelige jýyq altyn áshekeıler bar.
