Úndi áıeli serıal úshin kúıeýimen ajyrasty
ASTANA. Qarashanyń 19-y. QazAqparat - Úndistannyń Pýna qalasynyń bir turǵyn áıeli kúıeýiniń serıaldar kórýge ruqsat etpegenin alǵa tartyp,
onymen ajyrasyp otyr, dep habarlaıdy «RIA «Novostı» agenttigi úndilik buqaralyq aqparat quraldaryna silteme jasap.
Jergilikti gazetterdiń jazýynsha, kúıeýiniń serıaldardy kórýge salǵan tyıymy kún saıyn urys-keriske ýshyǵatyn bolǵan. Nátıjesinde otbasyndaǵy jaǵdaıdyń qıyndaǵany sonshalyq, áıel ajyrasýǵa ótinish berýge sheshim qabyldaǵan.
Melodramaǵa, romantıkalyq mýzyka men sezimdilikke toly teleserıaldar Úndistanda, ásirese qyz-kelinshekterdiń arasynda aıryqsha tanymal. Olarǵa salsań, kúnuzaq jalǵasa beretin birsaryndy fılmderdi «jáshiktiń» aldynan ketpeı, kórýge bar, deıdi er azamattar.
