Úndi áriptesińizge syılyq tańdaǵanda sıyr terisinen jasalǵan bu­ıymdardy ala kórmeńiz

Avstrııa­da, Germanııada, Nıderlandyda, Shveıtsarııada zańdar men tártip­ter­di qatań saqtaıdy. Jol júrý ereje­sin buzǵan kezde nemis azamattarynyń po­lıtsııaǵa jasyryn telefon shalýy jıi kezdesedi. Tyıym salynǵan jerlerge kólikti qoıǵanyńyz úshin aıyppul tóletedi nemese ony evakýatormen alyp ketýi múmkin, dep jazady «Alash aınasy» basylymy.

AQSh-ta er adamdar men áıel adamdar arasynda teńdik qa­ǵıdaty saqtalady, áıelderge dórekilik tanytsa nemese olarǵa jaı ǵana qy­ryn­daǵany úshin sotqa berýi múmkin. Úndistanda úndiler qonaqtarmen qoldy qysyp amandasýdyń ornyna «namaste» (nemese «namaskar») jasap, keýdesine eki qolyn aıqastyryp qoıyp qarsy alady. Biraq osydan keıin qolyńyzdy alýy múmkin. Úndi áriptesińizge syılyq tańdaǵanda sıyr terisinen jasalǵan bu­ıymdardy almańyz, sebebi Úndis­tan­­da sıyr - kıeli janýar. Taılandta býd­dızm men onyń dástúrlerin qur­met­teý kerek. Ǵıbadathanǵa nemese taı­lar­dyń úıine kirerde aıaqkıimdi sheshý qajet. Taılar aıaqkıimin qaı jerde shesh­se, sol jerdiń bárinde týra osylaı isteý kerek. Qytaılar «joq» dep aıt­qandy unatpaıdy, sondyqtan týra ja­ýap bermeý úshin abaılap sóıleıdi. Bul basqa eldiń ókiline túsiniksiz bolýy múm­kin. Arqadan qaǵýǵa, qoldy erbeń­detý­ge, judyryqpen ekinshi qoldyń ala­qanyn urýǵa bolmaıdy, óıtkeni mu­nyń barlyǵy óreskel dep sanalady.