Úndi apparaty Aıǵa sátti qondy: Úndistan álemniń tórtinshi Aı derjavasy atandy

ASTANA. QazAqparat – Úndistan Máskeý, Vashıngton jáne Beıjińnen keıin Aıǵa qurylǵysyn sátti jetkizgen tarıhtaǵy tórtinshi memleket atandy, dep habarlaıdy QazAqparat BBC-ge silteme jasap.

Joǵalyp ketken «Lýna-25»-ke qaraǵanda úndi mıssııasynyń múmkindigi joǵary baǵalandy.

Qurylǵy taǵy bir «Chandraıan-2» Aı orbıtalyq apparatynyń qosymsha qoldaýymen qondyryldy.

Apparattar arasynda ekijaqty baılanys ornatylǵany habarlandy. Aıdaǵy ekinshi «Chandraıan» sıgnal «Welcome, buddy!» («Qosh keldiń, jaqyn!») jiberip, jetkizilgenin rastaıtyn jaýap alǵan.

Úndi apparatynan keıin ushyrylyp, biraq erte qonbaqshy bolǵan «Lýna-25»-ke qaraǵanda «Chandraıannyń» orbıtada syrǵanap, qonýǵa yńǵaıly oryndy asyqpaı qaraıtyn ýaqyty kóp boldy.

Qonǵan sátin tikeleı efırden kórýge bolady.

Úndistannyń ǵylym jáne tehnologııalar mınıstri Djetendra Sıngh úshinshi «Chandraıannyń» qurylys komponentteriniń búkil tarıhy kórsetilgen taımlaps (jyldamdatylǵan vıdeo) jarııalady.