Un joq, nan qymbattaýy múmkin – Qazaqstan Astyq óndirýshiler odaǵy
Astyq óńdeýshiler odaǵynnyń málimetinshe, elimizde bir jarym aptaǵa ǵana jetetin bıdaı qory qalǵan. Astyq ósirýshiler men óńdeýshiler bıdaıdy bólise almaı, daý týyp jatyr. Eger bıdaı taýsylsa barlyq dıirmender jumysyn toqtatýǵa májbúr bolady.
Uıym usynǵan derekterde buryn dıirmender bıdaıdyń bir tonnasyn 114 myń teńgeden satyp alsa, qazir baǵa 160 myń teńgege jetkeni jazylǵan. Biraq onyń ózin tabý ońaı emes. Al bir tonna astyq 160 myń teńge bolsa, unnyń quny qazirdiń ózinde 224 000 teńgeni quraıdy. Bul naryqtaǵy baǵasy 235 myń teńgege jetkenin kórsetedi.
«Qostanaı oblysynda dıirmenderdiń jartysynan astamy, Qaraǵandy oblysynda 15 dıirmen jumysyn toqtatty. Soltústik Qazaqstan, Pavlodar oblystary men Almatyda da dıirmenderdiń basym bóligi jumys istemeı tur. Biz, dıirmenshiler, eki-úsh aptadan beri bıdaı satyp ala almaı otyrmyz. Sebebi usynys joq. Osynyń nátıjesinde un baǵasy qymbattaıdy. Qymbatshylyqtan qashyp qutylý múmkin emes, sebebi biz óndiretin ónimniń ózindik qunynyń 85 %-y shıkizatqa táýeldi», – delingen Astyq óńdeýshiler odaǵy taratqan habarlamada.
