Un zaýytynda zardap shekkenderdiń biri qaıtys boldy

QONAEV. KAZINFORM — Almaty oblysynda un óndiretin zaýytta bolǵan tótenshe jaǵdaı kezinde zardap shekken 49 jastaǵy qyzmetker alǵan jaraqattardyń saldarynan qaıtys boldy.

Almaty oblystyq Densaýlyq saqtaý basqarmasynan málim etkendeı, Qaskeleń qalasyndaǵy Qarasaı klınıkalyq kópsalaly ortalyq aýdandyq aýrýhanasyna 23 mamyr kúni 4 adam jetkizildi.

Zardap shekken qyzmetkerlerdiń birin aman alyp qalý múmkin bolmady. 49 jastaǵy er adamnyń denesin tereń kúıik shalǵan.

— Qalǵan úsh adam jansaqtaý bóliminde jatyr. Jaǵdaılary óte aýyr. Almaty oblysynyń densaýlyq saqtaý basqarmasy bul naýqastardy jeke baqylaýyna alyp, der kezinde dıagnoz qoıý jáne tolyq em alý úshin barlyq qajetti sharany qabyldap jatyr, — dep habarlady basqarmadan.

Osyǵan deıin Almaty oblysynda un zaýytynda jarylys bolǵany týraly jazǵan edik. Departament mamandary astyq qaldyqtarynyń shań-tozańy jaralysqa sebep bolýy múmkin ekenin málimdedi.