Un baǵasyn negizsiz kótergen un tartatyn kásiporyndar jazalanatyn bolady - QR Básekelestikti qorǵaý agenttiginiń basshysy
ASTANA. Tamyzdyń 16-sy. QazAqparat /Marlan Jıembaı/ - Un baǵasyn negizsiz kótergen un tartatyn kásiporyndar jazalanatyn bolady. Bul týraly búgin Úkimet úıinde QR Premer-Mınıstriniń birinshi orynbasary Ómirzaq Shókeevtiń tóraǵalyǵymen ótken selektorlyq keńes barysynda QR Básekelestikti qorǵaý agenttiginiń basshysy Májıt Esenbaev aıtty.
Un baǵasynyń kóterilýine ekonomıkıkalyq nemese basqa negizdiń joq ekendigin alǵa tartqan ol, «bunyń barlyǵy alypsatarlyq nıetten týyndaıdy. Oǵan ákimdikter men sáıkes organdar qadaǵalaý júrgizý qajet», dedi. Sonymen qatar ol elimizdegi azyq-túlik taýralarynyń baǵasy boıynsha jaǵdaıdyń turaqty ekendigin jáne un men nan ónimderiniń qunynyń kóterilýine eshqandaı negizdiń joqtyǵyn atap ótti.
Alaıda agenttike túsken shaǵymdardyń negizinde tergeý amaldary júrgiziletindigin atap ótken M.Esenbaev derekter anyqtalatyn bolsa, onda un tartýshy kásiporyndardyń jazalanatyndyǵyn basa aıtty. «Ońtústik Qazaqstan, Jambyl oblystarynda, al qazir Mańǵystaý oblysynda oryn alǵan oqıǵalar boıynsha tergeý amaldary aıaqtalýǵa jaqyn. Eger QR Básekelestikti qorǵaý agenttigi taýar óndirýshiler arasyndaǵy ymyrashyldyq belgilerin anyqtasa, onda olar QR zańnamasyna sáıkes jaýapkershilikke tartylady», dedi.
Esterińizge sala keteıik, shilde aıynyń ortasynda Jambyl oblysynda nan baǵasy 33 teńgeden 45 teńgege deıin kóterildi. Naýbaıshylar nan baǵasynyń kúrt ósýine unnyń elimizdiń soltústik óńirlerinen jetkizilýi sebep boldy degen oılaryn alǵa tartqan bolatyn. Araǵa bir kún salyp, Ońtústik Qazaqstan oblysynda da nan men un baǵasy sharyqtap shyǵa keldi. Oryn alǵan jaǵdaıdy turaqtandyrýǵa shamasy kelmegen jergilikti bılik el Úkimetinen kómek suraýǵa májbúr boldy. Úkimet qabyldaǵan sharalardyń arqasynda ońtústik óńirdegi nan baǵasynyń 37 teńgeden 32 teńgege deıin tómendetýge qol jetkizildi. Qazirgi ýaqytta atalǵan óńirlerdegi nan baǵasy turaqty.
