«Umytylǵan batyrlar» oraldy
Berik Ábdiǵalıulynyń kezekti bul eńbegine Ekinshi Dúnıejúzilik soǵysta erekshe kózge túsip, erlik kórsetken otandastarymyz arqaý bolǵan.
Kitapta kórsetken erlikteri úshin der kezinde «Keńes Odaǵynyń Batyry» ataǵyna usynylyp, belgisiz sebeptermen batyr ataǵy berilmegen, tipten jadymyzdan óship qalǵan atalaramyz týraly tyń málimetter toptastyrylǵan.
«Umytylǵan batyrlar» jaıyndaǵy málimetter Reseı Qorǵanys mınıstrliginiń arhıvinen alynyp, alǵash ret jarııalanýda.
Kitap avtorynyń osydan bes jyl buryn Memlekettik tildi damytý qorynyń dırektory qyzmetin atqaryp turǵan kezinde qolǵa alǵan «Halyq batyry» jobasy Jeńistiń 70 jyldyǵy aıasynda júzege asyp otyr.
Ázirge «Keńes Odaǵy Batyry» ataǵyna usynylǵan 10 qazaqstandyq batyr jaıynda maǵulmat tabylǵan.
Joba maqsaty - tarıhı ádilettilikti qalpyna keltirý jáne jas urpaq boıyna otansúıgish qasıet darytý.
Jobaǵa qoldaý kórsetken «Nur Otan» partııasynyń Qoǵamdyq saıasat ınstıtýty men «Baıqadam Holdıng» kompanııasy.
