Umyt qaldyrylǵan qorap Astana áýejaıyn ábigerge saldy
ASTANA. QazAqparat - Keshe saǵat 20.30-da jolaýshylar termınalynyń ekinshi qabatynda avıatsııalyq qaýipsizdik qyzmetiniń qyzmetkeri oryndyq astynda kúmándi qorapty baıqap qalǵan. Bul týraly áýejaıdyń baspasóz qyzmeti habarlaıdy.
Talaptaryna sáıkes atalǵan zat týraly Astana áýejaıyndaǵy JPB kezekshilik bólimine habarlandy.
Bir saǵattan astam ýaqyt ishinde aerovokzal kesheninde áýejaı qyzmetteri men ýákiletti organdardyń kúshimen jolaýshylardy evakýatsııalaý jáne kúdikti jolaýshylardy izdestirý jumysy júrgizildi.
Qaýipsizdik maqsatynda termınal janyndaǵy alań qorshaýǵa alyndy. Tekseris barysynda áýejaıdan 350 jolaýshy jáne 140 qyzmetker evakýatsııalandy. Ýákiletti organdar mamandary atalǵan qoraptyń jarylǵysh zat emestigin rastady. Saǵat 21.55-te jumys aıaqtaldy.
Áýejaı qyzmetkerleriniń ýaqtyly jedel jaýap berý arqasynda Astana áýejaıynda kúndelikteri bar qorapty Shymkent qalasyna ushyp ketken jolaýshy umyt qaldyrǵany anyqtaldy.
