Úmittiń Balqashtaǵy alǵashqy 10 kúni: jolbarys qasqyr men qaban aýlaǵan
ASTANA. KAZINFORM — Úmit jolbarysy tabıǵı ortaǵa beıimdelip keledi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Mamandar Úmittiń qozǵalysyn GPS-qarǵybaý arqyly kún saıyn baqylap, júrgen aýmaqtaryn zerttep jatyr. Jolbarys bolǵan jerlerge keıin dalalyq tekserý júrgiziledi.
Monıtorıngtiń alǵashqy kúnderinde Úmittiń ózdiginen ań aýlaı alatyny anyqtaldy. Ol qasqyrdy aýlap, birneshe kún boıy sol oljamen qorektengen. Keıin jabaıy qabandy da ustaǵan.
Mamandardyń aıtýynsha, bul onyń jańa ortaǵa beıimdelip, tabıǵı jaǵdaıda ózdiginen tirshilik ete bastaǵanyn kórsetetin mańyzdy belgi.
Qazir Úmittiń qozǵalysy turaqty baqylaýda. Alǵashqy 10 kúnniń nátıjesi jolbarystyń tabıǵı ortaǵa beıimdelý úderisiniń sátti ótip jatqanyn kórsetip otyr.
Aıta keteıik, 3 tamyzda «Іle-Balqash» memlekettik tabıǵı rezervatynyń aýmaǵynda tarıhı oqıǵa boldy. Qazaqstanda 70 jyldan astam ýaqyttan keıin alǵash ret tabıǵı mekenine Amýr jolbarysynyń Úmit atty analyǵy jiberildi.
Buǵan deıin Ekologııa mınıstrligi Іle-Balqashtaǵy jolbarysqa qatysty aqparatty joqqa shyǵardy.
